نصائح عن تحضير البكالوريا

السلام عليكم
اليوم جبت لكم بعض نصائح بما انني مترشح سابقا لشهادة البكالوريا واتمنى ان تستفيدوا منها
1
1

1

ركز على الكتاب المدرسي

اشتري كتابا واحدا لكل مادة
حل التمارين بزاف
تناقش انت و زملائك
طالع قبل ما ترقد في الليل كتاب التاريخ والجغرافيا لان مادة الاجتماعيات حنا نحقروها ودير كيما انا قبل ما نرقد نقرى كتاب التاريخ في سريري والمعلومات صدقني تبقى في راسك
مادة اللغة العربية ما تقدريش تدي فيها مليح الا اذا ركزت مع أستاذك و حبيت المادة من قلبك لازم تقرا نصوص الكتاب من الاول للاخير نهار تشتري الكتاب بعد لانو هاذا يعطيك فكرة وش كاين في العام كامل
اشتري كتبا للمطالعة ولا حتى روايات حتى تعود تعرف تعبر وتكون عندك لغة جميلة خالية من الأخطاء ركز على الصور البيانية والمحسنات البديعية واقرا الشعر خاصة لايليا ابو ماضي وميخائيل نهيمة واطلع على ابن خلدون خاصة النصوص تاعو
التربية الأسلامية لازم تحفظ الاحاديث وتحفظ الدرس تاعك مليح خاصة العناوين اللي تكون على شكل مطات
الرياضيات والفيزياء والعلوم انصح بسلسلة السبيل أو الممتاز لكن لا تشتري أكثر من كتاب لكل مادة وركز ثم ركز على الكتاب المدرسي
الفلسفة لازم تحفظ المقالات وتعرف مخطط اللمقالة والفرق بين المقالة الجدلية الاستقصائية الوضع الرفع وغيرها أنا حفظت مقالة في الرياضياة طاحتلنا هاذ العام واقسم بالله غير اديت16.50 وركزوا على أقوال الفلاسفة أنا أتوقع هاذ العام مقالة عن العلوم التجريبية
حاولو تحفظو تسع مقالات على الأقل
لا تجهد نفسك في الدراسة واخرج واستمتع بحياتك حوالي ساعة كل يوم تناول العصائر وحافظ على صلاتك وعلى ذكر الله دوما

نجحنا الله اجمعين
و ان شاء الله تكون من المتفوقين

:aplodi: :ثانكس: